GEDAR:Langile Kazeta

Azkenak
Biolentzia Estrukturala
Ofentsiba Kapitalista
Langile Mugimendua
Prozesu Sozialista
Mugimendu Sozialista

Langile Mugimendua

2020ko irailaren 14a

Iñaki Bilbaok bosgarren eguna du gose eta komunikazio greba mugagabean

Irailaren 10ean ekin zion baraualdiari, 00:00etan. Gainera, komunikazio-bideak etetea ere erabaki zuen. 36 urtetik gora egin ditu preso.

Biolentzia Estrukturala

2020ko irailaren 14a

Udaltzainek hiru pertsona isundu dituzte Lizarran, pankartak jartzea leporatuta

Sugarra gaztetxearen urteurrenarekin eta Patxi Ruizen aldeko mobilizazioekin lotutako pankartak ipintzea egotzi diete hiru gazteri. Pikutara mugimenduak azaldu duenez, ez da udaltzainek "jarrera zentsuratzaileak" dituzten aurreneko aldia.

Langile Mugimendua

2020ko irailaren 14a

Mobilizazioak aeronautikan: kalera irten dira Alestiseko eta ITP Aeroko langileak, haien enpleguen defentsan

Langileen %46 kaleratu nahi ditu Alestis enpresak, eta %15, aldiz, ITP Aerok. Protestara jo dute beharginek, eta Bilbon eta Gasteizen egin dituzte mobilizazioak asteburuan. Kaleratzeei aurre egiteko mobilizazioekin jarraituko dute aurrerantzean ere.

Biolentzia Estrukturala

2020ko irailaren 14a

Emakume bati eraso egin dio bikotekideak Gasteizen

Gaur goizaldean, emakume bat eraso du 37 urteko gizonezko batek, aurpegian zauriak eginez.

Mugimendu Sozialista

2020ko irailaren 14a

Bihar greba eguna izango da EAEko hezkuntzan

Hezkuntza arloko langileak eta ikasle langileak kalera irtengo dira bihar EAEn. IAk 'Ondorioak ez ditzala langile klaseak ordaindu' lelopean deitu ditu mobilizazioak: 11:00etan hasiko dira Bilbon, Donostian eta Gasteizen. Iruñean ere egin dute deialdia, eta 20:00etan elkarretaratuko dira Hezkuntza Delegaritzaren aurrean. Hezkuntza arloko langileek ere 11:00etan hasita egingo dituzte manifestazioak. Eusko Jaurlaritzak gaur ezarri ditu gutxieneko zerbitzuak, aurreko greba deialdietan baino gogorrago. Adibidez, %100eko gutxieneko zerbitzuak agindu ditu garbiketa sektorean.

Biolentzia Estrukturala

2020ko irailaren 14a

Gasteizko Artiumeko langileek salatu dute Aldundiak eta museoak ez dutela akordiorik sinatu

Bihartik aurrera greba mugagabea egitekoak ziren Artiumeko langileak, baina Aldundiarekin aurreakordio bat lortu zutelako utzi zuten bertan behera deialdia. Uztailaren amaieratik hona, hiru greba egun izan dituzte beharginek.

Biolentzia Estrukturala

2020ko irailaren 13a

Mugitu mugimenduko bost kide atxilotu zituen ostiralean Espainiako Poliziak

Hamar lagun auzitaratu dituzte Nafarroan, AHTaren aurkako ekintza batekin lotura izan dezaketelakoan. Ostiralean, haietako bost atxilotu zituzten kalez jantzitako polizia-agenteek. "Polizia-operazioaren tamaina" eta auzipetuei egotzitako "kargu larriak" gaitzetsi ditu Mugitu mugimenduak: antza, "funtzio publikoak usurpatzea, dokumentuak faltsutzea eta hertsapena" dira leporatu dizkieten delituak.

Langile Mugimendua

2020ko irailaren 13a

Amnistiaren aldeko manifestazioa izan da gaur Donostian

Berriki eraildako Igor Gonzalez izan dute gogoan, baita Patxi Ruizek aurten egindako borrokaldia ere. Horretaz gain, elkartasuna adierazi diote Iñaki Bilbao 'Txikito' preso politikoari, eta dei egin dute harekin elkartasunez deitutako mobilizazioetan parte hartzera. Lau egun daramatza gose eta komunikazio greban Bilbaok.

Ofentsiba Kapitalista

2020ko irailaren 11a

Okupazioaren aurkako instrukzio bat ari da prestatzen Espainiako Fiskaltza Nagusia

"Etxebizitzen okupazioak", Dolores Delgado fiskal nagusiaren arabera, "ekintza espezifikoa" galdegiten du. Hala, gaia lantzeko instrukzioa emango du fiskalentzat, "segurtasun juridikoa eskaintzea" eta "kasuen aurrean zalantzak argitzea" helburutzat hartuta. Errakik nabarmendu duenez, "Espainiako Estatuko fiskal nagusiak urte honetan okupazioaren aurkako neurriak hartzeko eta legeak gogortzeko borondatea adierazi du".

Biolentzia Estrukturala

2020ko irailaren 11a

Sidenor enpresak lantalde osoari eragingo dion lan-erregulazio txostena aurkeztu du

1.500 langile ditu guztira soldatapean Sidenorrek, eta guztiei eragingo dien erregulazio espedientea negoziatzen hasiko dira zuzendaritza eta sindikatuak. 2021eko abendura arte iraungo luke lan-erregulazioak.

« Aurrekoa
1
2
3
4
5
6
7
8
9
…
130
Hurrengoa »