GEDAR:Langile Kazeta

Azkenak
Biolentzia Estrukturala
Ofentsiba Kapitalista
Langile Mugimendua
Prozesu Sozialista
Mugimendu Sozialista

Langile Mugimendua

2019ko irailaren 30a

Bizkaiko metalgintza greban ostiralera arte

Bizkaiko metalgintza sektoreko langileek goizak gaur, astelehena, abiatu dute bost egunez luzatuko den greba. Lan hitzarmenaren alde piketeak eta errepide mozketak egin dituzte, gaur goizean, Durangaldean. Metalgintza da Bizkaian langile gehien dituen sektorea: 50.000 behargin.

Biolentzia Estrukturala

2019ko irailaren 30a

Gutxienez lau emakume erasotu dituzte azken egunetan

Igande goizaldean emakume bat erasotu zuten bi gizonek Bilbon; ukituak egin zizkioten Uribarri auzoko festen amaieran. Hiri berean, beste emakume bat erasotu du gizonezko batek, diskoteka batean. Gaur goizean, berriz, Basauriko etxe batean emakume bat jipoitu du gizonezko batek, eta hura erailtzen saiatu da. Kalera ihes egin behar izan du. Bestalde, gizonezko batek emakume bat mehatxatu eta jazarri du Gasteizen.

Biolentzia Estrukturala

2019ko irailaren 28a

Beste preso bat eraila Zaballan, urteko bosgarrena espetxe berean

Pasa den larunbatean, Zaballako ziega batean aurkitu zuten hilotz 50 urteko presoa. Heriotza ikertzen ari dira. 2019. urtea hasi zenetik, gutxienez bost preso erail dituzte kartzela berean.

Biolentzia Estrukturala

2019ko irailaren 27a

San Giovesa eta Huerta de Peraltako lan gatazketan parte hartzeagatik, espetxe zigor eskaerak

Maiatzean 21 hilabeteko kartzela zigorra ezarri zioten Imanol Salinasi, jatetxe bateko beharginen aurkako erasoak salatzeko protestetan parte hartzeagatik. Bestalde, ustez urriaren 10ean hasiko da Salinasen eta Osesen aurkako epaiketa. 12 hilabeteko espetxe zigorra eskatu du fiskaltzak, Huerta de Peraltako langileen greban lantokirako sarbidea oztopatzeagatik. "Desobedientzia" iragarri dute biek.

Langile Mugimendua

2019ko irailaren 27a

Euskal preso politikoen aldeko kontzentrazioak gauzatu dituzte hainbat ikastetxe eta campusetako ikasleek

'Amnistia ipar, zuekin gaude!' lelopean, Azken Asteazkenen dinamika berrartu du ikasle mugimenduak, euskal preso politikoen auziak heziguneetan presentzia izan dezan.

Biolentzia Estrukturala

2019ko irailaren 26a

Arran antolakundeko militante bat atxilotu dute Mosso-ek gaur goizean

Arran gazte antolakundeak euren militante baten atxiloketa salatu du.

Biolentzia Estrukturala

2019ko irailaren 26a

Elorrioko garbiketa enpresako emakume langileek udala salatu dute, greba eskubidea urratu izanagatik

Langileek adierazi bezala, Elorrioko Udalak greba eskubidea “sistematikoki urratu du”, grebaren ondorioak lausotzeko hartu dituen zenbait neurri direla-eta.

Biolentzia Estrukturala

2019ko irailaren 25a

Atzeratu egin dute Aiztondoko Gazte Asanbladako bi kideren aurkako epaiketa

Atzo goizean hastekoa zen Aiztondoko Gazte Asanbladako bi kideren aurkako epaiketa Tolosako Epaitegian, Kaxilda gaztetxearen birjabetzeagatik. Aldiz, epaitegiko atzoko saioa bertan behera geratu zen, bi ertzainek lekuko bezala deklaratzeko beharrezkoak ziren izapideak egin gabe zeudelako. Epaitegiaren kanpoaldean hamarnaka pertsona batu ziren elkartasuna adierazteko.

Biolentzia Estrukturala

2019ko irailaren 25a

Ibon Fernandez Iradi preso politikoa aske utzi ala ez urriaren 30ean erabakiko du Frantziako Auzitegiak

Zigorrak Ezartzeko Frantziako Auzitegiak iragarri duenez, urriaren 30ean jakinaraziko du Fernandez Iradi euskal preso politikoa etxeratzearen inguruko azken ebazpena.

Mugimendu Sozialista

2019ko irailaren 24a

"Sortu alderdiari exijitzen diogu Bilboko egoitzarekin eragin duen arazo larria konpontzeko ardura bere gain har dezan"

Publikoki salatu dute Sortu alderdiak Ikasle Abertzaleak antolakundeari eta ikasle mugimenduari egindako erasoa, baita Errondako egoitzaren lapurretaren izaera politikoa azpimarratu ere. Urriaren 3an Euskal Ikasleen Erakundeak egingo duen asanblada orokorrera bertaratzera dei egin diete Sortuko kideei, bigarren aldiz. Aurreko ikasturtean ere, alderdiak egoitzaren jabetza modu irregularrean aldatu zuenean, batzarrera joateko eskatu zien IAk, baina ez ziren agertu.