2022ko urtarrilaren 17a
Espainiako Estatuko inflazioa %6,5eraino iritsi zen abenduan, azken hiru hamarkadetako maximoak gaindituz
Aurreko urteko batez besteko inflazio-tasa orokorra bikoiztu egin zen iazko azken hilabetean. Hitzarmen kolektiboetan zehaztutako igoerak, berriz, %1,47koak izan ziren asko jota. Ondorioz, langile gehienen erosahalmena beherantz doa, pentsiodunak eta funtzionarioak salbuetsi gabe. Oinarrizko produktuak izan dira prezio-igoera handiena jasan dutenak; hala nola, etxebizitza, ura, argindarra, garraioa edota elikagaiak.
