Ciudadanos alderdiak Iruñean ireki berri duen egoitzan amnistiaren aldeko margoketak agertu ziren. Margoketa horiekin lotuta, hiru pertsona atxiotu zituzten atzo Iruñean. Epailearen aurretik igaro ondoren aske utzi zituzten hiruak ere, karguekin. “Mehatxu terroristak” egitea leporatzen diete.
Ciudadanosen egoitzan egindako margoketak
Atxiloketak Espainiako Polizaia Nazionalak burutu zituen atzo goizean Nafarroako hiriburuan. Margoketak martxoaren 24 goizean agertu ziren eta Ciudadanos alderdiak sare sozialen “ETAri gorazarra egin eta Guardia Zibila mespretxatu izana” arbuiatu zuen, era berean “beldurra sartu nahi izana” leporatu zien egileei. Atzo, hiru aste geroago, Espainiako Polizia Nazionalak 3 lagun atxilotu zituen Iruñean, margoketa horiekin lotuta. Arratsaldean hiruak ere aske geratu ziren “mehatxu terroristak” egitea leporatuta.
Amnistiaren Aldeko eta Errepresioaren Aurkako Mugimenduak atxiloketak salatu ditu
Amnistiaren aldeko mugimenduak margoketen eta oro har amnistiaren aldarrikapenaren “zilegitasuna” mahai gainean jarri nahi izan ditu. Hain zuzen ere, “alderdi faxistek” Euskal Herrian daukaten “jarduera normalizatua” eragoztera zuzendutako ekintza oro babesten duela adierazi du. Hala, “begi onez” ikusi dituzte Ciudadanos alderdiaren egoitzaren aurkako margoketak. Era berean, atxiloketak salatu eta elkartasuna helarazi nahi izan diete atxilotuei.
