Aktualitatea
/
SOLDATA SISTEMA
Larriki zauritu da langile bat Izaban
Baso-mozketa lanak egiten ari zen 45 urteko langile bat zauritu da eguerdian, 10 metro baino gehiagoko zuhaitz bat gainera jausita.
Izaba. ARGAZKIA / EITB
2023/04/28
17:48
Eguerdiko 12:00etan jazo da lan-istripua. Azaldu dutenez, 10 metro baino gehiagoko pinu bat erori zaio gainera Nabaskozeko (Nafarroa) langile bati, Izaba (Nafarroa) inguruko Belabartze sakatik gertu.
Suhiltzaileak zein osasun-larrialdietako taldea bertaratu dira tokira baina, sarbidea zaila zenez, helikoptero batek hartu du zauritutako behargina azkenean. Hala, Nafarroako Unibertsitate Ospitalera eraman dute eta, jakinarazi dutenez, larriki zaurituta dago. Politraumatismoak ditu.
EZ DAGO IRUZKINIK
