AKTUALITATEA EDITORIALA KOIUNTURA POLITIKOA IKUSPUNTUA LANGILE ZIENTZIA KOLABORAZIOAK AGENDA GEDAR TB ARTEKA
Argazki Nagusia
Cinfa enpresaren nabe berriaren eraikuntza-lanak. Argazkia: Google Maps/EITB
2022/05/23 09:02

Joan den ostiralean, gutxienez bi lan-istripu izan ziren Euskal Herrian. Goizean, 10:30ak aldera, larri zauritu zen langile bat Ollokin (Nafarroa), soldatapean lanean ari zela. Cinfa konpainiaren industria-nabe berria eraikitzeko obran jarduten du, eta hiru metroko altueratik amildu zen. Horren ondorioz, hausturak jasan zituen burezurrean, eta larri eraman zuten Nafarroako Unibertsitate Ospitalera; Zainketa Intentsiboko Unitatean dago. Atarrabiakoa (Nafarroa) da behargina, eta 60 urte ditu.

Gasteizen (Araba) ere ostiral goizean jasan zuen lan-istripua beste langile batek, 08:00ak aldera. Gaztelako Ate Azpiko zubiaren egitura jo zuen gidatzen ari zen kamioiak, eta irauli egin zen. Suhiltzaileek, dena den, onik atera zuten langilea ibilgailu barrutik.

EZ DAGO IRUZKINIK