Lehenengo greba eguna dute gaur Bilboko zamaketariek

Enpresaren iruzurren aurrean eta lan-baldintza duinen alde, 17 eguneko grebara deitu dute beharginek. Gaur hasi eta hilaren 25an emango dute bukatutzat greba hau. %100eko jarraipena izan du gaur grebak, eta gerentearen bertaratu dadin eskatzen ari dira langileak, azalpenak eman ditzan.
Argazki Nagusia
Argazkia: @GoyoDocker
2020ko urriaren 9a

Urriaren hasieran greba deialdia egin zuten Bilboko Portuko langileek. Izan ere, zamaketariek gaitzetsi zuten enpresak iruzur egin ziela hitzarmen kolektiboa adosten saiatzeko bileretan. Horrekin batera, lan-baldintzak ere salatu zituzten; ordutegiak ez errespetatzea eta gehiegizko lanaldiak izatea, adibidez. Hala, ezin ahaztu aldi baterako langileen egoera: kontratu finkoak izatera igaro daitezen exijitu dute zamaketariek.

Grebak, zehazki, honako hedadura izango du: urriaren 9an, 13an, 19an eta 20an bi orduko lanuzteak egingo dituzte txanda bakoitzeko, eta urriaren 10ean, 11n, 14an, 15ean, 16an, 17an, 18an, 21ean, 22an, 23an, 24an eta 25ean, aldiz, 24 orduko lanuzteak egingo dituzte.

Aurtengo uztailean salatu zuten beharginek enpresetako zuzendarien borondate eza hitzarmen kolektiboaren negoziaketak aurrera egin zezan. Abuzturako 21 eguneko greba deitu zuten orduan zamaketariek.