AKTUALITATEA EDITORIALA IKUSPUNTUA LANGILE ZIENTZIA KOLABORAZIOAK AGENDA GEDAR TB ARTEKA
Argazki Nagusia
Argazkia: @Larnasberritzen
2019/06/17 18:40

Osakidetzako Lehen Arretako 5.000 langile inguru grebara deituta zeuden gaurko, ELA, ESK, LAB, SATSE, CCOO eta UGT sindikatuen eta Lehen Arreta Arnasberritzen plataformaren eskutik. Apirilaren 12an eta maiatzaren 17an beste bi greba egun egin zituzten, eta joan den ostiralean Osakidetzako Zuzendaritzarekin mahai sektorialean bildu ondoren, grebari eustea erabaki zuten.

Gaur, besteak beste, manifestazioa egin dute Gasteizen (Araba). 12:00etan Bilbo plazatik hasi eta Osakidetzaren zerbitzu zentraletara joan dira langileak.

Denbora aurrera

Hasteko, sindikatuek salatu dute Osakidetzak atzeratu egin zuela lehen bilera deialdia, eta greba deialditik hiru egun eskasera jarri zuela: “Osakidetzak denbora pasatzen utzi du”. Gainera, Osakidetzako zuzendaritzak egindako proposamenak “mugatuak” direla kritikatu dute, soilik udara begira egindakoak direlako; adibidez, oporrak ordezkartzeko 3.000 lanaldi jartzea.

Hori ez da konponbidea sindikatuen iritziz. Lan karga handia dutela salatu izan dute maiz langileek, eta datu bat ere nabarmendu dute: egiturazko 3.000 postu aldi baterako kontratuekin bete dituzte. Horrez gain, ordutegien murrizketak, eta zentro batzuetan, ardura bereko bi profesional beharrean bakarra egotea aurreikusten zuen zuzendaritzaren proposamenak.