Jangeletako langileen %60ek hartu dute parte lehen greba egunean

Atzo izan zuten lehen greba eguna EAEko eskoletako jangeletako langileek, eta sindikatuek emandako datuen arabera, %60ek jo zuten grebara. Beste bi greba egun aurreikusi dituzte dagoeneko, urriaren 27rako eta 29rako.
Argazki Nagusia
Argazkia: Noticias de Gipuzkoa
2020ko urriaren 23a

Asteazkeneko lanuzteak %60eko erantzuna izan zuen EAEko ikastetxe publiko, pribatu eta itunpekoetan. Lehen greba eguna izan zen, lan-baldintzen hobekuntzaren eta enplegu zein segurtasun bermeen alde. EAEko hiru hiriburuetan egin zituzten mobilizazioak langileek, eta greban batuko dira urriaren 27an eta 29an ere.

Izan ere, osasun-krisiaren testuinguruan, segurtasun neurrien falta salatu dute langileek, eta ratioen txikitzeari lotuta, lan-kargaren areagotzea jarri dute jomugan.

Asteazken honetan bildu ziren langileen ordezkariak Hezkuntza Sailarekin, baina ez zuten adostasunik lortu. Mobilizatzen segituko dutela adierazi dute beharginek, borrokak emaitzak eman arte.