Bilboko Langile Autodefentsa Sareak boikoterako deia zabaldu du Jardin Secreto-Espacio Openen aurka

Enpresak Bilboko LASen eskakizunei entzungor egiten jarraitzen du, eta ez dio zor dion zenbatekoa ordaindu kaltetutako langileari. Ondorioz, bertan ez kontsumitzeko deia egin dute LASeko kideek, 'Boikota eta klase elkartasuna' lelopean.
Argazki Nagusia
Argazkia: Bilboko Langile Autodefentsa Sarea
2020ko urriaren 14a

Bilboko Langile Autodefentsa Sareak boikot kanpaina abiatu du Deustuko Erriberako (Bizkaia) El Jardin Secreto saltokiaren aurka, martxan den lan gatazkaren dinamikan beste aurrerapauso bat emanez. Hala, Boikota eta klase elkartasuna lemari heldu diote borrokaldiko fase berrian.

"Jardin Secreto-Espacio Openek oraindik ez dituenez gure aldarrikapenak bete, gatazkarekin jarraitzen dugu eta boikotera dei egiten dugu", azaldu du LASek sare sozialetan. Horrenbestez, salaketa eta informazio jarduna mantentzen du kaleetab, aurki deialdi gehiago egiteko iragarpenarekin.