Bi orduko lan-etenaldiak egingo dituzte Zumaiako Siemens Guascorreko langileek, enpresak kaleratzeak iragarri ostean

Zuzendaritzak enpresako batzordeari jakinarazi dio hainbat langile kaleratuko dituela; antza, 15. Datorren ostegunetik aurrera, bi orduko lanuzteei ekingo diete beharginek, eta abuztuaren amaierara arte iraungo du dinamikak.
Argazki Nagusia
2020ko uztailaren 20a
Zumaiako (Gipuzkoa) Siemens Guascor enpresak hainbat kaleratzeren berri eman dio langile batzordeari, eta horrekin batera, egoerari aurre egiteko "lege-tresnak" dituela adierazi dio. Antza, 15 langile izan daitezke kanporatuak, eta momentuz, kaleratzeak ez diren beste aukera guztiei uko egin die enpresako zuzendaritzak.

Gauzak horrela, beharginek bi orduko lanuzteak egingo dituzte datorren ostegunetik aitzina, hots, hilak 23tik aurrera. Enpresaren erabakia atzera botatzea da helburua, eta printzipioz, abuztuaren bukaerara arte iraungo dute lan-etenaldiek.