2020ko maiatzaren 8a
291 egun bete dituzte greban Novaltia farmazia-enpresako Zaratamoko langileek
Novaltiako Bizkaiko beharginak greban daude iazko uztailetik, enpresako lan hitzarmen berri baten defentsan. Soldata-arrakala eta 900 eurotik beherako soldatak deuseztatzea exijitzen dute, besteak beste. Langileek martxoan salatu zuten, alarma egoera ezarrita, Eusko Jaurlaritzak "beharrezkoak ez ziren gutxieneko zerbitzuak" onartu zizkiola enpresari, eta 12 grebalari behartu zituztela lanera bueltatzera. EAE eta Aragoi mailan, 200 langile inguruk jarduten dute soldatapean farmazia-salgaien banaketa-enpresan.
