Aktualitatea
/
LANGILE KONTROLPEKO ESPAZIOAK
"Adierazpen politikorako askatasuna" aldarrikatu, eta Lucio Urtubiaren oroigarri bat jarri dute Lizarran Sugarra gaztetxeko kideek
Sugarrako kideek deialdia egin zuten ostiralerako, Lizarrako Udalaren aginduz Lucio Urtubiaren omenezko murala ezabatua izan ostean, berriz ere margotzeko. Eguraldia zela eta, ezin izan zuten murala egin, baina adierazpen askatasunaren aldeko elkarretaratzea egiteaz gain, Urtubiaren oroigarri bat ipini zuten plazan.
Argazkia: Sugarra gaztetxea
2020/09/20
19:54
Lizarran (Nafarroa) aste honetan ezabatu dute Lucio Urtubia militante anarkistaren omenezko murala,
udalaren aginduz. Sugarra gaztetxeko kideek azaldu dutenez, hainbat bilera izan dituzte Jorge Crespo zinegotziarekin, eta hark adierazi izan du "printzipio politikoen baitan" hartzen dituela erabakiak. Hala, mural osoa ezabatzeko agindu du.
Gaztetxeko kideek salatu dute ez dela
"bidezkoa" udaletxeari "kaleak aldarrikapenez apaintzeko baimenak" eskatu behar
izatea, eta are gutxiago, "udaleko Zerbitzu Departamenduaren iragazkitik pasatu behar izatea". Gainera, azpimarratu dute Lizarran "guztiz mugatuta" dagoela "jardun politikoa egitea", eta
"pankartak jartzeagatik isunak" jartzen ari direla udaltzainak, beste jazarpen kasu batzuen artean.
PROTESTA OSTIRALEAN
