Aktualitatea
/
SOLDATA SISTEMA
Langile bat zauritu da Aramaion, fatxada batetik erorita
Ia ordubetez artatu dute han larrialdi-zerbitzuetako langileek, eta Gasteizen ospitaleratu dute gero. Aurten gutxienez 25 lan-heriotza izan dira Euskal Herrian.
Argazkia: 'Goiena'-ren bideo batetik ateratakoa.
2022/05/11
15:18
Goiena atariak jakinarazi duenez, langile bat zauritu da gaur goizean Aramaion (Araba), soldatapean lanean ari zela. Hain justu, etxe bateko fatxadan ari zen lanean, eta lurrera erori da. Larrialdi-zerbitzuetako beharginak bertaratu dira eta ia ordubetez artatu dute zauritutako gizona; gero, Gasteizko (Araba) Santiago erietxean ospitaleratu dute. Oñatiarra da.
Iturri sindikalen arabera, urtea hasi zenetik, gutxienez 25 lan-heriotza atera dira argitara Euskal Herrian.
EZ DAGO IRUZKINIK
