AKTUALITATEA EDITORIALA IKUSPUNTUA LANGILE ZIENTZIA KOLABORAZIOAK AGENDA GEDAR TB ARTEKA
Argazki Nagusia
Argazkia: vozpopuli.com
2020/04/09 11:58

Datorren asteartean, apirilak 14, lanera itzuli beharko dute Hego Euskal Herriko langile ugarik, "funtsezko jarduera ekonomikoan" ez aritu arren. Espainiako Gobernuak igande gauerdian kenduko du "funtsezkoa ez den jarduera" gelditzeko agindua, eta hainbat dira jada ekoizpenari ekingo diotela adierazi duten lantoki handiak, tartean, Sidenor.

Bestalde, Gasteizko (Araba) Mercedes eta Nafarroako Volkswagen auto ekoizleek apirilaren amaierara arte itxarotea hautatu dute, gutxi gorabehera. Mercedes hilaren 20an hasiko da berriro Gasteizko fabrikako ekoizpenarekin, eta Volkswagenek hilaren 27an irekitzeko asmoa du, ez duelako espero autoen salmenta berehala berpiztea krisialdi honetan.

Gasteizko Michelinen ere hurrengo astean abian jartzekoak ziren, baina azkenean, hilaren 26an zabalduko dituzte ateak.