Aktualitatea
/
INDARKERIA MATXISTA
Hainbat eraso matxista salatu dituzte Gasteizen eta Iruñerrian
Iruñeko gizon batek sumisio kimikoa erabilita eraso zion emakume bati astelehenean, Ezkaba mendian. Beste bi eraso izan dira asteburuan zehar, Gasteizko Koroatzea eta Zaramaga auzoetan.
Ezkaba mendia.
2023/04/25
19:05
Sumisio kimikoaren bidez, emakume bati sexualki eraso zion gizon batek asteleheneko ordu txikietan, Ezkaba mendian Iruñeko (Nafarroa) iparraldean dago. Iruñerritik zazpi kilometrora aurkitu zuten emakumea, eskuak lotuta zituela ihes egitea lortu ondoren. Gizona atxilotu eta Nafarroako Ospitalera eraman zuten emakumea. Aske utzi dute erasotzailea.
Gasteizen (Araba), aldiz, bi eraso izan dira asteburuan. Emakume bati jo zion 29 urteko bere bikotekideak larunbatean, Boulevard merkataritza-guneko parkingean. Igandean, bestetik, beste emakume bati eraso zion bere mutil lagunak. Atxilotua izan ondoren, poliziak aske utzi orduko urratu zuen urruntze-agindua erasotzaileak. Etxean jazarri zuen emakumea eta, hala, berriro eraman zuten atxilo.
EZ DAGO IRUZKINIK
