Aktualitatea
/
SINDIKALISMOA
Greba mugagabeari ekin diote Zamudioko Ingeteam Electronicseko langileek
KPIaren araberako soldata-igoerak exijitzen dituzte beharginek, baina blokeaturik dago hitzarmenaren negoziaketa. Astelehenean hasi zuten greba mugagabea.
2023/04/26
11:03
Greba mugagabean daude Zamudioko (Bizkaia) Ingeteam Electronics enpresako langileak. Astelehen honetan jo zuten lanuztera, Kontsumoko Prezioen Indizearen (KPI) araberako soldata-igoerak bermatuko dituen itun baten defentsan. Gaur egun, blokeaturik daude hitzarmenari buruzko elkarrizketak.
Enpresako zuzendaritzak oraingoz proposaturiko soldata-igoerek ez dute beharginen erosahalmena bermatzen, ELA sindikatuaren arabera. Gainera, lanaldiak murrizteko langileek egindako eskaera atzera bota du enpresak, baita exijituriko gainerako "hobekuntza sozialak" ere.
Enpresak egindako azken proposamena, plus aldakor bat ezartzea jasotzen duena, ez du onartu langileen asanbladak. Horregatik ekin zioten greba mugagabeari, eta borrokan jarraitzen dute.
EZ DAGO IRUZKINIK
