Greba egin dute animazioko langileek Baionan, lan-baldintzak salatzeko

Hainbat eremutan animatzaile gisara lanean ari diren langileak batu ziren joan den ostegunean Baionako suprefetura aitzinean.
Argazki Nagusia
2021eko azaroaren 22a

Animazioko langileek Haurren Eskubideen Aldeko Nazioarteko Eguna baliatu zuten Baionako (Lapurdi) suprefetura aitzinean protesta egiteko, pasa den ostegunean. Eremu ezberdinetan lanean ari diren animatzaileak batu ziren deialdira, haien artean, Udaleku izeneko euskarazko aisialdi gunekoak. Besteak beste, soldata eskasak eta "prekaritatea" salatu dituzte, haien lana "gaizki baloratua" dela azpimarratuz.

Gazte askok udan lan egin behar izaten dute animazioan Ipar Euskal Herrian, eta ez da haien lan egoera publikoki salatzen den lehen aldia. Izan ere, animatzaile askok pairatu behar izan dituzte ordaindu gabeko ordu gehigarriak edo zerbitzu zibikoetan zein ikastaroetan oinarritutako abusuzko kontratuak.


Iruzkinak

Ez dago iruzkinik