Aktualitatea
/
INDARKERIA MATXISTA
Gasteizen bi emakumeri eraso diete haien bikotekideek
Astelehenean atxilotu zituzten bi erasotzaileak Judimendin eta Lakua Arriagan.
2022/07/13
00:55
Joan den astelehenean bi gizon atxilotu zituzten Gasteizen (Araba), genero indarkeriagatik. Eguneko aurreneko orduan emakume bati eraso zion bere bikotekideak Judimendi auzoan, eta atxilo eraman zuten; 49 urte ditu. Ordu batzuk beranduago, 55 urteko gizonezko bat atxilotu zuten Lakua Arriagan, bere bikotekidea jazartzeagatik, hertsatzeagatik eta mehatxatzeagatik.
Azken egunetan gutxienez lau eraso matxistaren berri eman dute Euskal Herrian; hain zuzen, Miarritzen (Lapurdi), Baionan (Lapurdi), Tolosan (Gipuzkoa) eta Iruñean (Nafarroa).
EZ DAGO IRUZKINIK
