Gasteizen bi emakumeri eraso diete haien bikotekideek asteburuan

28 eta 30 urte dituzte erasotzaileek, eta atxilo eraman zituzten biak.
Argazki Nagusia
Sansomendi auzoa.
2021eko azaroaren 9a

Joan den asteburuan bi gizon atxilotu zituzten Gasteizen (Araba), haien neska lagunei eraso egiteagatik. Larunbatean izan zen erasoetako bat, Sansomendi auzoko etxebizitza batean; emakume bat jo zuen bere bikotekideak, eta atxilo eraman zuten. 30 urte ditu gizonak.

Igande goizaldean, bestalde, beste emakume bati eraso zion bere mutil lagunak, antza, eztabaida baten erdian. Santa Lucia auzoan gertatu zen erasoa, eta neska ere atxilotu zuten mehatxuak eta erasoak egitea leporatuta. 28 urte ditu gizonak, eta 26 emakumeak.


Iruzkinak

Ez dago iruzkinik