Aktualitatea
/
INDARKERIA MATXISTA
Emakume bat larri zauritu du semeak Tuteran
Atzo gauean eraso zion andreari 27 urteko semeak, eta Zainketa Intentsiboen Unitatean ospitaleratu behar izan dute.
2023/01/03
15:09
Tuteran (Nafarroa), emakume bat larriki zauritu zuen atzo bere semeak. Zainketa Intentsiboen Unitatean ospitaleratu behar izan dute andrea, lesio larriekin; dena den, hainbat hedabidek jakinarazi dutenez, arriskutik kanpo dago jada.
Atzo gauean, 21:15ak aldera, abisu bat jaso zuten poliziek: etxebizitza batean liskar handi bat izan zela eta handik gertu, kalean, gazte bat odoleztatuta zebilela esan zieten. Emakumea erietxera eraman zuten larrialdi-zerbitzuetako langileek, eta erasotzailea atxilotu egin zuten; 27 urte ditu. Antza, oraindik ez dute epailearen aurrera eraman.
EZ DAGO IRUZKINIK
