Elkarretaratzea egin dute Irungo Brioche-Pasquier enpresako langileek

Aurrera doa Irungo lantegia ixteko prozedura, eta borrokan dihardute beharginek. Atzo San Juan plazan elkartu ziren, kaleratzeak zein lekualdaketak salatzeko.
Argazki Nagusia
Argazkia: Bidasoako Hitza
2021eko ekainaren 21a

Atzo, igandea, Irungo (Gipuzkoa) Brioche-Pasquier lantegiko dozenaka langile elkartu ziren herriko San Juan plazan, aurrera baitoa ixte prozedura. Sindikatuen esanetan, prozesua "gardentasunik gabe" egiten ari da enpresako zuzendaritza; izan ere, beharginekin banan-banan ari dira negoziazioak egiten, eta horrek haien zaurgarritasun egoera areagotu besterik ez duela egiten salatu dute langileek. "Borondatezko" kaleratzeak lortzea nahiz lekualdatuko dituzten langileen lan-baldintzak okerragotzea bilatzen du zuzendaritzak, gaitzetsi dutenez.

160 langile baino gehiago dira Brioche-Pasquierren Irungo lantokian, eta 2019an jakinarazi zuten ixteko erabakia hartu zuela enpresak.


Iruzkinak

Ez dago iruzkinik