Donostian hiru pertsona atxilotu zituen Ertzaintzak larunbat gauean

Goizeko 06:00ak aldera, kaian zeuden hainbat pertsonaren aurka oldartu zen Ertzaintza, eta hiru pertsona atxilotu zituen.
Argazki Nagusia
Donostiako kaia.
2021eko uztailaren 5a

Donostian (Gipuzkoa), beste gau batez, istiluak izan ziren aurreko larunbat goizaldean, Ertzaintza kaian zeuden hainbat gazteren aurka oldartu ostean. Festa giroan, zenbait pertsonaren arteko liskarrak izan ziren gauean zehar, eta horren harira bertaratu zen Ertzaintza. Tentsioak gora egin zuen orduan, eta polizia-agenteek kaian zeudenen aurka jo zuten. Atxilotuak ere izan ziren.

Ertzainek hiru gazte atxilotu zituzten guztira, 18, 20 eta 21 urtekoak. "Desordena publikoak" egozten dizkiete hirurei; horretaz gain, 18 urteko gazteari "lesioak eta kalteak" eragitea ere leporatzen diote eta 20 urtekoa, berriz, "kalteak" eragiteagatik ere salatu dute.


Iruzkinak

Ez dago iruzkinik