Aktualitatea
/
ESPETXEA
COVID-19aren aitzakian presoei ezarritako murrizketak mantentzen dituzte Iruñeko espetxean
Aurrez aurreko bisitak galarazita dituzte presoek, eta kartzelatik irteteko baimena dutenei erabateko isolamendua ezartzen diete itzultzean.
Argazkia: Espainiako Gobernua
2022/04/20
10:47
Salhaketa kolektiboak jakinarazi duenez, ustez pandemia zela-eta martxan jarritako neurri murriztaileak mantentzen dituzte Iruñeko (Nafarroa) kartzelan. Esaterako, presoek oraindik ezin dute bisean biseko bisitarik izan, eta beraz, etenda dituzte aurrez aurreko komunikazio-bide guztiak.
Bestalde, espetxetik ateratzeko baimena duten presoak erabat bakartzen dituzte itzultzen direnean; eguneko 24 orduak igarotzen dituzte guztiz bakarrik, ez baitiete uzten inorrekin inolako kontakturik izaten.
Bi urte dira jada murrizketa horiek indarrean sartu zituztenetik. Iazko abuztutik, Nafarroako Gobernuaren eskumena da kartzeletako osasuna.
EZ DAGO IRUZKINIK
