Xistor Haranburu euskal preso politikoa baldintzapean askatu edo ez aztertuko da bihar epaitegietan

Egun Lannemezango kartzelan dute preso Xistor Haranburu, eta 30 urte bete berri ditu giltzapetuta. Bihar, maiatzak 7, aztertuko dute Haranburuk baldintzapeko askatasuna lortzeko egindako bigarren eskaera. Hala, baldintzapean aske geldituko den edo ez ebatziko dute.
Argazki Nagusia
Argazkia: Argia
2019ko maiatzaren 06a

Frantziako estatuan 30 urteko espetxe zigorra bete berri du Xistor Haranburuk, Jakes Esnalek eta Ion Parot eta Unai Parot anaiek bezalaxe. Lehen hirurak Frantziako estatuan daude preso, eta laugarrena, Espainiako estatuan.

Argiak aditzera eman duenez, baldintzapeko askatasuna eskuratzeko Haranburuk egin duen bigarren eskaera aztertuko dute astearte honetan, hilak 7. 2015. urteko martxoaren 27an baztertu zuten bere lehen eskaera.  Horren aurrean, Bagoaz dinamikak elkarretaratzea deitu du gaurko, Senperen.