Solbes supermerkatuak bi langile kaleratu ditu Donostian eta Hondarribian, COVID-19a izateagatik bata eta baja hartzeagatik bestea

COVID-19arekin lotutako arrazoiak medio bidali dituzte kalera bi beharginak. Proban positibo emateagatik kanporatu dute Donostiako langilea, eta Hondarribikoa, aldiz, medikuak eritasun baja eman ondoren kaleratu zuten, azkenean positibo eman ez badu ere.
Argazki Nagusia
2020ko maiatzaren 4a

Aurreko astean bi langile kaleratu zituen Solbes supermerkatuak, hain zuzen, Donostian (Gipuzkoa) eta Hondarribian (Gipuzkoa). Lehenengo kasuari dagokionean, Aldamar kaleko saltokian lan egiten zuen behargin bat da, eta COVID-19a atzemateko proban positibo eman eta ordu gutxira bidali zuten kalera. Hondarribiko langilearen kasuan, aldiz, medikuak eritasun baja esleitu ostean karrikaratu zuten, gerora proban positibo eman ez bazuen ere.

ELA sindikatuak adierazi duenez, "supermerkatuetako langileek birusaren aurrean duten esposizioa ikaragarria da, eta ezin da onartu langileek, gaixotuz gero, euren etorkizunaren inguruko zalantzak izatea".