Bi neska adingaberi sexu-abusuak egin dizkie gizonezko batek, Donostian

Astelehen gauean atxilotu zuten 31 urteko gizona, bi adingaberi sexu-abusuak egitea leporatuta. Kalean eraso zien bi neskei, lagun taldearekin zeudela.
Argazki Nagusia
2021eko urtarrilaren 6a

Astelehen gauean 31 urteko gizonezko bat atxilotu zuen Ertzaintzak Donostian (Gipuzkoa), bi neska adingaberi sexu-abusuak egitea egotzita. Haiekin zeuden lagunek eta lekukoek kontatu dute, 21:00ak aldera, gazte taldearengana hurbildu zela gizona, eta neska adingabeei jazarri ziela.

Zehazki, nesketako bat musukatzen eta besotik heltzen ahalegindu zela azaldu dute, eta besteari besotik heldu eta tira egin ziola. Azkenean, bigarrenak askatzea eta alde egitea lortu zuen. Poliziak gizona atxilotu eta Donostiako Epaitegiaren esku utzi du.