Maravillas Gaztetxearen aurkako epaiketa atzeratu dute

Gaur hastekoa zen epaiketa Maravillas Gaztetxearen aurka, guztira 100.000€tik gorako isuna eskatzen zieten auziperatuei, baina gaztetxeak orain gutxi sare sozialen bidez jakinarazi duenez, epaiketa 4 eta 7 hilabete artean atzeratu dute. Izan ere, Nafarroako Gobernuak "kalteen txosten berria" aurkeztu baitu.
Argazki Nagusia
Maravillas Gaztetxea
2019ko maiatzaren 9a

Maiatzaren 9a zen aspalditik Maravillas Gaztetxeko kideak itxaroten zeuden eguna, izan ere, gaurko egunez hasten baitzen gaztetxearen aurkako epaiketa. Hori dela eta, azken hilabeteetan hainbat eta hainbat ekimen antolatu dituzte Maravillasen alde babesa lortzeko. Azkena gaur goizekoa izan da, kontzentrazioa egin dute epaitegiaren aurrean goizeko 9:00etan.

Eguna iritsi izanagatik, ordea, oraingoan, epaiketa atzeratzea erabaki dute epaitegiek. Gaztetxeak berak sare sozialen  bidez jakinarazi duenez, epaiketa 4-7 hilabete atzeratu da, eta oraingoan eskatzen dieten diru zigorra 72.000€-koa da. Horrez gain, esan dute azken momentuan erantzukizun zibila ere leporatu dietela, 36.000€-ko isuna izango litzateke hori, eta azken momentuko eskaera izan denez, defentsarako aukerak murriztu dizkiete gaztetxeko kideei.