Larri zauritu da langile bat Atarrabiako San Andres papertegian

Abelan San Andres papertegian gertatu da lan-istripua, goizaldean: paperezko fardel batzuek azpian hartu dute langile bat.
Argazki Nagusia
Argazkia: navarra.com
2020ko apirilaren 15a

Langile bat larri zauritu da gaur, apirilak 15, Atarrabiako (Nafarroa) Abelan San Andres papertegian. Goizaldean izan da lan-istripua: biltegiratuta zeuden paperezko fardel batzuen azpian harrapatuta geratu da behargina.

ELA sindikatuak jakinarazi duenez, Nafarroan, urtez urte egin du gora lan-istripuen kopuruak 2012tik, eta "azken urteetako daturik txarrenak" dira gaur egun esku artean ditugunak.

Iazko azaroko datuen arabera, Araban, Bizkaian eta Gipuzkoan %5,3 hazi ziren lan-istripuak 2019. urtean. Aste honetan izan da azkeneko salaketa EAEn: Donostiako (Gipuzkoa) metroa eraikitzeko lanetan, istripua izan du behargin batek.