Eusko Jaurlaritzako Osasun Sailak jakinarazi duenez, 12:40an izan dute gertakarien berri. 57 urteko langile bat soldatapean ari zen lanean Mungiako (Bizkaia) Lamincer enpresan, eta azpian hartu du Fenwick orga jasotzaile batek. Osasun langileak deitu dituzte Mungiako Udaltzaingoak zein Ertzaintzak, eta horiek 14:20an baieztatu dute beharginaren heriotza.

Hala, astelehenerako 24 orduko greba deitu du enpresako langile batzordeak. Hilketa salatzeko elkarretaratzea ere egingo dute, 10:30etik 11:30era. Eraildako behargina UGT sindikatuko ordezkaria zen enpresan.

2019. urtea hasi zenetik, gutxienez 28 langile erail dituzte Euskal Herrian, LAB sindikatuaren arabera.