Langile bat eraila Trapagarango jatetxe batean, lan-istripuz

Antza, karga-jasogailu batek azpian hartu du 57 urteko langilea. Aurtengo hamabosgarren lan-heriotza da honakoa.
Argazki Nagusia
Argazkia: EITB
2021eko apirilaren 8a

Gaur beste langile batek galdu du bizia soldatapean lanean ari zela. Trapagaranen (Bizkaia) izan da oraingoan lan-heriotza: dirudienez, karga-jasogailu bat jausi zaio gainera 57 urteko emakume langile bati, eta bertan zendu da. Funi-La Arboleda jatetxean jazo da lan-istripua, 17:30 aldera.

Urtea hasi zenetik, gutxienez hamabost behargin erail dituzte soldatapean lanean ari zirela. Joan den apirilaren 3an garraiolari bat hil zen lan-istripuz Tafallan (Nafarroa).