Ibon Fernandez Iradi (Lasarte-Oria, Gipuzkoa, 1971) euskal preso politikoa Lannemezango (Okzitania) kartzelan dute preso. Fernandez larriki gaixo dago aspalditik, esklerosi anizkoitza pairatzen baitu.

Hamasei urte daramatza espetxean dagoeneko, eta duela bost urte hasi zuen bide judiziala, bere gaixotasuna zela-eta. 2014. urtean bi medikuk esan zuten presoak espetxetik irten behar zuela, baina eskaera ukatu zioten. Hurrengo bi urteetan ere saiakerak egin arren, ez zuen kartzelatik irteterik lortu.

Zigorrak Ezartzeko Frantziako Auzitegiak iragarri duenez, urriaren 30ean emango du Iradi etxeratzearen inguruko azken ebazpena.