Gizon batek hainbat emakume grabatu ditu ezkutuan Alesbeseko komun batzuetan

Ezkutatutako kamera baten bidez, hainbat emakume grabatu ditu gizonezko batek Alesbeseko taberna bateko komunean. Herri horretako bizilaguna da erasotzailea; gertakariekin loturiko materiala aurkitu dute bere etxean.
Argazki Nagusia
Erasotzaileak erabilitako kamera. Argazkia: EITB
2020ko urtarrilaren 11a

Gizonezko batek kamera bat zeukan ezkutatuta Alesbeseko (Nafarroa) taberna bateko emakumeen komunean; hala, hainbat emakume grabatu ditu bertan. Bezero bat ohartu zen erasoaz lehendabizi, aire girotuan ezkutaturik zegoen kamera ikusi zuenean. Herri horretako bizilaguna da erasotzailea; bere etxean, gertakariekin zerikusia duen materiala topatu dute.

Gabonetan ere gutxienez bi eraso

Alesbesekoa ez da izan azkenaldian Euskal Herrian gertaturiko eraso bakarra. Aitzitik, Gabonetan, gutxienez bi eraso izan ziren, bat Tolosan (Gipuzkoa) eta bestea Iruña Okan (Araba). Abenduaren 24ko gauean, gizonezko bat 19 urteko emakume bat bortxatzen saiatu zen Tolosan. Abenduaren 31n, berriz, beste eraso bat izan zen Iruña Oka udalerriko Langrazi Oka herrian, udalak antolaturiko kotilioian. Gizonezko batek hiru emakumeri eraso egin zien, haien kontra oldartuz, aurrez gogaitzen aritu ondoren.