AKTUALITATEA EDITORIALA IKUSPUNTUA LANGILE ZIENTZIA KOLABORAZIOAK AGENDA GEDAR TB ARTEKA
Argazki Nagusia
Argazkia: LAB
2021/01/13 17:30

Eusko Jaurlaritzako Segurtasun Sailak Ertzaintzaren Unitate Mugikorra bidali du, beste behin, Barakaldoko (Bizkaia) ITP Aero osagai aeroespazialen lantegiko sarbideetara. Bertako langileak greba mugagabean dira, enpresak haietako 90 kaleratu nahi baititu Barakaldoko eta Sestaoko (Bizkaia) plantetatik.

Langileek azaldu dutenez, ertzainek haien bi ordezkari identifikatu zituzten urtarrilaren 12an, instalazioetara sartzea eragozteko eserialdian. "Polizia-indarren presentzia langileen aurkakoa da, eta Polizia autonomikoa krimena egiten duen zuzendaritza babesten ari da", kexu dira soldatapekoak.


Bien bitartean, Rolls-Royce talde multinazional britainiarrak aurrera darrai enpresa saltzeko eta langileak kaleratzeko asmoarekin.