AKTUALITATEA EDITORIALA IKUSPUNTUA LANGILE ZIENTZIA KOLABORAZIOAK AGENDA GEDAR TB ARTEKA
Argazki Nagusia
Elkarretaratze bat, Bilbon.
2020/01/20 11:42

EITB-k gaur jakinarazi duenez, hilaren 11n, larunbata, emakume bati eraso egin zion gizonezko batek Bilbon (Bizkaia). Gurutze auzoko taberna batean jazo zen sexu erasoa, eta bi egun beranduago aurkeztu zuen salaketa emakumeak. Urtarrilaren 14an atxilotu zuten erasotzailea, eta epailearen aurretik igaro zen arren, hedabideek ez dute argitu zein izan zen haren gaineko erabakia.

Asteburu berean, gutxienez, beste sei eraso izan ziren Euskal Herrian. Hiru emakumeri eraso egin zieten haien bikotekideek Gasteizen (Araba) eta Iruñean (Nafarroa); Iruñean, bikotekide ohiarengandik urruntzeko agindua urratu zuen gizonezko batek; eta Gasteizen, sexu harremanak izateko emakume batekin harremanetan jarri ostean, eraso egin zion gizonezko batek. Horretaz gain, Tuteran (Nafarroa), emakume bat bortxatu zuen gizonezko batek, diskoteka batetik irtetean.