Emakume bat indarrez eta hiltzeko mehatxupean atxiki du haren bikotekideak

Larunbat goizaldean Nafarroatik Errioxara eraman zuen emakumea bere bikotekideak. Heriotza mehatxuak egin zizkion behin eta berriz.
Argazki Nagusia
Albelda de Ireguan bahitu zuen emakumea gizonezkoak.
2021eko martxoaren 15a

Joan den larunbat goizaldean, 02:00 aldera, emakume bat eraso zuen haren bikotekideak. Nafarroan bizi da emakumea, baina 40 urteko gizonezkoak indarrez eraman zuen Errioxaraino, han bizi baita bera. Etxebizitza batean atxiki zuen indarrez, eta hiltzeko mehatxupean: gelatik irtenez gero hil egingo zuela esan zion emakumeari.

Dei bat jaso zuten guardia zibilek, eta etxebizitzara bertaratu zirenean, erasotzaileak uko egin zion haren bikotekidea aske uzteari. Orduan ere behin eta berriz egin zion mehatxu; besteak beste, adierazi zion hil egingo zuela haren kontrako salaketa bat aurkeztuz gero.

Atxilo eraman zuten gizonezkoa, eta epailearen esku utzi. Legez kanpoko atxikipena eta hertsapen eta mehatxu delituak leporatu dizkiote.