Otxarkoagako (Bilbo, Bizkaia) lokal batean bortxatua izan zela salatu zuen atzo, hilak 8, emakume batek. Azaldu zuenez, txakurrarekin paseatzera irten zenean egin zuen topo erasotzailearekin; elkar ezagutzen dute, eta hizketan aritu ostean, lokalera joan ziren. Han, 18 urteko gizonezkoak sexu-harremanak izatea proposatu zion emakumeari, baina ezezkoa eman zion honek. Orduan, ohe baten kontra jaurti eta bortxatu egin zuen.

Gauean jarri zuen salaketa emakumeak, eta biharamunean, bere bizilekuan zegoenean, bortxatzailea ikusi zuen berriro, lokalaren inguruetan. Atxilotu dute dagoeneko.

Aste honetan beste gizonezko bat atxilotu dute Portugaleten (Bizkaia), emakume bati sexu-erasoa egitea leporatuta.