Emakume bat bahitu eta hiru egunez sexu erasoak egin dizkiote lau gizonezkok, Bilbon

Erasotutako emakumeak jarri du salaketa, eta Basurtoko erietxera eraman dute ondoren. Hala, sexu erasoa eta bahiketa leporatuta atxilotu ditu Ertzaintzak lau gizonezko, bart arratsaldean. Horietako bat, baina, aske utzi dute ondoren.
Argazki Nagusia
Argazkia: Ecuador Etxea
2019ko irailaren 23a

Emakume bat bahitu eta, taldean, hiru egunez sexu erasoak egin dizkiote lau gizonezkok, Bilbon (Bizkaia). Bart arratsaldean jarri zuen salaketa emakumeak, Bizkaiko hiriburuan, eta Basurtoko erietxean artatu behar izan dute gero. Hala, erasoekin lotuta, Ertzaintzak lau gizonezko atxilotu zituen atzo, igandea. Horietako bat, baina, aske utzi dute dagoeneko: ez dute argitu erasoarekin loturarik ote duen. Gainontzeko hirurak epailearen aurretik igaroko dira datozen orduetan. 33 eta 36 urte bitarte dituzte erasotzaileek.