Bizkaiko Enpresarien Konfederazioko presidenteak kaleratzeak erraztearen alde egin du

Iñaki Garcinuño CEBEK edo Bizkaiko Enpresarien Konfederazioko presidenteak hitza hartu du gaur ostalaritza sektoreko neurrien harira. Bertan, kaleratzeak erraztearen aldeko adierazpenak egin ditu, bere hitzetan, "itsasontzia salbatzeko ezinbestekoak" direlakoan.
Argazki Nagusia
Argazkia: EITB
2020ko abenduaren 1a

Euskadi Irratian gonbidatua izan da gaur Iñaki Garcinuño, Bizkaiko Enpresarien Konfederazioaren burua. Ostalaritza sektorea izan dute mintzagai batez ere, eta COVID-19aren ondorioen inguruan aritu da, horiei aurre egiteko enpresek "neurriak hartu beharko dituztela" aurreikusiz.

Besteak beste, aldi baterako enplegu-erregulazio espedienteak ezartzean, kaleratzeak sei hilabetez debekatzeko neurriaren aurka agertu da Garcinuño. Horren ordez, kaleratzeak erraztearen eta emendatzearen alde egin du, esanez "itsasontzia salbatzeko ezinbestekoak izan daitezkeela".