Azaroaren 18an aztertuko dute Iratxe Sorzabalen aurka Espainiako Estatuak eginiko laugarren euroagindu eskaera

Parisko Dei Auzitegia ekainaren 10ean hasi zen Iratxe Sorzabalen aurkako euroagindu eskaera lantzen, eta azaroaren 18an egingo dute auziaren azterketa.
Argazki Nagusia
Iratxe Sorzabalen askatasuna eskatzeko elkarretaratzea Parisen.
2020ko irailaren 18a

Parisko Dei Auzitegiak martxoaren 25ean egin behar zuen auzia, Iratxe Sorzabalen aurka Espainiako Estatuak eginiko laugarren euroagindu eskaera aztertzeko. Osasun larrialdia zela eta, ordea, ekainera arte atzeratu zuten auzia. Gaurkoan, Parisko Dei Auzitegiak Espainiako Auzitegi Nazionalari informazio gehigarria ematea eskatu dio, Sorzabalen aurkako froga bakarrak torturapean lortutako adierazpenak baitira.

Espainiako Estatuak azaroaren 18ra arteko tartea du froga gehiago aurkezteko, egun horretan hartuko baitu erabakia Parisko Dei Auzitegiak.