Atzo bi emakume eraso zituzten haien bikotekideek Gasteizen

Gizonezko batek etxe batean giltzaperatu zuen bere bikotekidea. Beste gizon batek, aldiz, ibilgailu baten barruan egin zion eraso bikotekideari.
Argazki Nagusia
2021eko otsailaren 25a

Atzo bi gizon atxilotu zituzten Gasteizen (Araba) haien bikotekideei eraso egiteagatik. Eguerdian izan zen lehen erasoa: gizon batek etxe batean giltzaperatu zuen bere bikotekidea. Etxeko giltzak aurkitzea lortu zuenean, ihes egin zuen emakumeak.

Bigarren erasoa, ordea, gauean izan zen. Emakume bati eraso egin zion bikotekideak, ibilgailu baten barruan. Kolpeak eta urratuak egin zizkion erasotzaileak, eta lekukoen testigantzak jaso ondoren atxilotu zuten.