AKTUALITATEA EDITORIALA IKUSPUNTUA LANGILE ZIENTZIA KOLABORAZIOAK AGENDA GEDAR TB ARTEKA
Argazki Nagusia
Argazkia: @TolosaldekoGF
2020/12/24 11:19

Abenduaren 18an izan zen Tolosako (Gipuzkoa) Ezpala gaztetxearen aurkako epaiketa. Hain zuzen, gazte bat epaitu dute auzibide horretan, eta usurpazio arina eta eraikinari kalteak eragitea leporatzen zizkioten. Tolosaldeko Gazte Fronteak (TGF) GEDAR LANGILE KAZETAri jakinarazi berri dionez, iritsi da epailearen sententzia: absoluzioa. Dena den, nabarmendu dute epaia ez dela irmoa, jabeak bost egun baititu apelazio-helegitea ipintzeko. Epaiketan bertan, auzipetuaren absoluzioa eskatu zuen fiskalak, eta eraikinaren jabeak onartu egin zuen epaituari gutxieneko zigorra ezartzea egozten zitzaizkion delituetako bategatik.

Nolanahi ere, epaiketa egin zen egunean TGFko kideek adierazi zuten modura, bide penala itxi arren, "litekeena da eraikinaren jabeak bide zibila irekitzea". Hala balitz, "handia" izango litzateke Tolosako gaztetxea husteko arriskua. Gaineratu dute emango dutela prozesu judizialaren berri, aurrera egin ahala.

BIDE LUZEA EPAITEGIETAN

2019ko apirilean okupatu zuten Ezpala gaztetxea. Ertzaintzak berehala idenfitikatu zuen birjabetzean parte hartu zuen kide bat, eta salaketa jarri zuen eraikinaren legezko jabeak. Izatez, ekainean egitekoa zen gaztetxearen aurkako epaiketa, baina pandemia egoera zela eta, abendura arte atzeratu zuten.

EZ DAGO IRUZKINIK