80 adingabe inguru eraso eta bortxatu dituen gizon bat atzeman dute Arrueta-Sarrikotan

Erasotzaileak harrera familia modura eskaintzen zuen bere burua Haurtzarorako Gizarte Laguntzaren barruan, eta "zailtasunak" zituzten hainbat eta hainbat gazte hartu zituen etxean. Horri esker egiten zien eraso gero.
Argazki Nagusia
Arrueta-Sarrikotakoa da erasotzailea.
2021eko apirilaren 5a

Joan den asteazkenean atxilotu zuten Arrueta-Sarrikotako (Nafarroa Beherea) gizonezko bat, 2015etik hona 80 adingabe ingururi sexu-erasoak egitea eta bortxatzea leporatuta. 70 urte ditu erasotzaileak, eta Haurtzaroko Gizarte Laguntza programaren parte zen: harrera familia gisa aritzen zen, eta etxean hartzen zituen "zailtasunak" zituzten haurrak eta gazteak. Horretaz baliatzen zen haiek erasotzeko.

Gizonaren etxea miatzean, erasoekin lotutako zenbait argazki topatu dituzte polizia-agenteek. Epaileak erabaki du erasotzailea behin-behinean espetxeratzea.