Aktualitatea
/
INDARKERIA MATXISTA
Barakaldon emakume bat erailtzen saiatu da bere bikotekide ohia
Goizaldean, labanaz egin dio eraso gizonak, eta larriki zauriturik dago emakumea ospitalean. Erasotzailea atxilotu dute jada.
2022/06/24
10:40
04:00ak aldera, emakume bat hiltzen saiatu da bere bikotekide ohia Barakaldon (Bizkaia), etxebizitza batean. Labanaz egin dio eraso 40 urteko gizonak, eta zauri ugari ditu emakumeak; larri dago Gurutzetako ospitalean.
Abisua jaso dutenean bertaratu dira etxebizitzara ertzainak, eta atariko eskaileretan aurkitu dute emakumea, odol jario handiarekin. Erasotzailea, dena den, ihes eginda zegoen. Barakaldon bertan atxilotu dute gero, eta laster geratuko da Barakaldoko Guardiako Epaitegiaren esku.
EZ DAGO IRUZKINIK
