GEDAR:Langile Kazeta

Azkenak
Biolentzia Estrukturala
Ofentsiba Kapitalista
Langile Mugimendua
Prozesu Sozialista
Mugimendu Sozialista

Langile Mugimendua

2019ko ekainaren 17a

Harro! Euskal Herrietako TransMariBiBollo plataforma aurkeztu dute

Harro! plataformako kideek maiatzean eman zuten proiektuaren sorreraren berri, eta iragan asteburuan izan zen aurkezpen ekitaldia, Donostian. "LGTB+ kolektiboaren saretzea, erasoei erantzun kolektiboa ematea eta komunitatearen memoria lantzea" dituzte helburu. Azken hilabeteetan hainbat ekimenetan hartu du parte Harro!-k; esaterako, Francisen hilketaren urteurrenean. Bestalde, maila lokalean 'Hortz adarra jotzen' izenpean hilaren 28rako egin dituzten deialdiekin ere bat egin dute.

Biolentzia Estrukturala

2019ko ekainaren 17a

Ertzainek Oñatiko bost gazte erasotu zituzten larunbat gauean, borra luzagarriak erabilita

Oñatiko Gaztetxetik atera ziren bost gazte erasotu zituzten kale-jantziekin zein uniformez jantzitako 10 ertzain inguruk, "borra luzagarriak erabiliz". Erasotuetako batek ertzainak ikusi eta lagunei "zipaioak" zeudela ohartaraztean gertatu zen erasoa. "Amorruz, kolpez, indarkeriaz eta irainekin" erantzun zuten ertzainek, besteak beste, "zipaio le vas a llamar a tu puta madre" oihukatuz. "Ubeldu eta kontusio’ ugari dituzte gazteek, eta jipoiaren "bortizkeriaren erakusgarri" modura, azaldu dute ertzainetako baten borra hautsi egin zela.

Prozesu Sozialista

2019ko ekainaren 16a

Egindako lana eta ibilbidea ospatuta amaitu da Gazte Sozialisten Topagunea

Amaitu da Gazte Sozialisten Topagunea. Ikasle Abertzaleek eta Gazte Koordinadora Sozialistak Euskal Herri osoko ehunka militante batu dituzte bost egunez Azpeitian, "bizitza politikoa sustatzeko" eta "langile kultura hauspotzeko" asmoz. Krisiaren Seme-Alabak taldeak eta Azpeitiko Gaztetxeak eskertu dute, "topagunean egindako lanari esker", "urteetako lana eskatuko lukeena" egun gutxian elkarlanean aurreratu izana. Azpiegitura lanak aurreratzeko zein komunitatea indartzeko baliagarri izan diren saioek, beraz, utzi dute zer ospatua.

Langile Mugimendua

2019ko ekainaren 15a

Etxegabetze arriskuaren aurkako mobilizazioak Zumarragan

Kaleratzeak Stop plataformak deitutako elkarteratzea egin zen atzo, ekainak 14 goizean, Zumarragako familia bat etxegabetze arriskuan dagoela eta. Kaleratzea ekainaren 19an burutu asmo dutela eta, mobilizazio gehiago iragarri ditu datozen egunetan Kaleratzeak Stop plataformak.

Prozesu Sozialista

2019ko ekainaren 14a

“Apustua izan da Euskal Herriko Gazte Sozialisten Topaguneak lan egunak ardatz izatea”

Euskal Herriko Gazte Sozialisten Topaguneko hirugarren eguna da gaur. Asteazkenetik hona, auzolanak izan dira oinarri Azpeitian: “Ikusi dugu benetan baliagarria dela hainbeste jendek elkarrekin lan egitea, modu koordinatuan”. Bestalde, adierazi dute egunotan Azpeitian islatutakoa prozesu luzeago baten emaitza dela: “Aurten auzolanak egin ditugu Euskal Herriko hainbat gunetan, eta orain ikusi dugu egindako ibilbideak eskala handiagoan lana egin ahal izateko eta antolatzeko gaitasuna eman digula”. Arratsaldean, hausnarketa, eztabaida eta formakuntza saioak izango dira.

Langile Mugimendua

2019ko ekainaren 14a

Iruñeko Alde Zaharreko "narko etxebizitzaren" aurkako elkarretaratzeak egiteari ekin diote auzokideek

Iruñeko Alde Zaharreko bizilagunek asteazkenean egin zuten Jarauta kaleko 13. zenbakiko "narko etxebizitzaren" aurkako dinamikako lehen elkarretaratzea. Gaur Auzo Batzarra egingo dute Jarautan, 19:00etan.

Biolentzia Estrukturala

2019ko ekainaren 13a

Sara Majarenas eta haren alabaren erasotzailea libre utzi du Valentziako Auzitegiak

Fiskaltzak espetxean sartzeko eskatu zuen arren, ihes egiteko arriskurik ez dagoela argudiatuta, Valentziako Auzitegiak erabaki du kalean jarraituko duela Sara Majarenas eta haren alabaren erasotzailea.

Prozesu Sozialista

2019ko ekainaren 13a

Langile kultura hauspotzea ipar, gaur ere lana eta jakintza elkarbanatu dituzte Gazte Sozialisten Topagunean

Euskal Herriko Gazte Sozialisten Topaguneko bigarren egunak ere auzolana eta jakintzen elkarbanatzea izan ditu ardatz. Atzo martxan jarritako lanekin jarraitu dute Euskal Herriko hamaika txokotatik Azpeitira bertaratu diren ehunka gaztek, 11 lantaldetan banatuta. Bihar goizekoa izango da azken lan saioa, eta arratsaldean hitzaldiak izango dituzte.

Langile Mugimendua

2019ko ekainaren 13a

Jasandako errepresioa salatzeko elkarretaratzea deitu dute Galdakaoko Gaztetxeko kideek

“Gaztetxea defendatzearen ondorio argiak” zein diren azaldu dute Galdakaoko Gaztetxeko kideek: sei kide identifikatu dituzte azken hilabete eta erdian. Deklaratzera deitu dituzte horietako lau, eta beste hiruri, usurpazio delitua egotzi diete. Hori guztia salatzeko eta auziperatuei babesa adierazteko, elkarretaratzea deitu dute ekainaren 19rako.

Prozesu Sozialista

2019ko ekainaren 12a

"Prozesu sozialista indartzeko" ekin diote Gazte Sozialisten Topaguneari

Euskal Herri osoko ehunka lagun bertaratu dira gaur Azpeitira, Gazte Sozialisten Topagunearen hasierara. Ikasle Abertzaleek eta Gazte Koordinadora Sozialistak antolatutako ekimenak gaurtik igandera bitarte iraungo du. Harrera egunean, parte hartze zabala izan du "prozesu sozialistari bultzada emateko eta borroka komunitatea indartzeko" martxan jarritako topaguneak.