GEDAR:Langile Kazeta

Azkenak
Biolentzia Estrukturala
Ofentsiba Kapitalista
Langile Mugimendua
Prozesu Sozialista
Mugimendu Sozialista

Langile Mugimendua

2020ko otsailaren 20a

Busturialdeko Ikasleon Autodefentsa Sarea jaio da

"Ikasle langileen interes zein eskubideen defentsarako eta babeserako" tresna berria sortu dute Busturialdean, "hezkuntza mailan, ikasle langileen bizi baldintzen hobekuntza lortzea" helburu izango duena. Hala, dagoeneko badute aurreneko helduleku bat: euskara irakasgaiko ebaluazio irizpidea aldatzea. Asteazkenero egingo dituzte asanbladak BIASeko kideek, patio orduan.

Biolentzia Estrukturala

2020ko otsailaren 19a

David Plaren askatze autoa onartu du Espainiako Auzitegi Nazionalak

David Pla behin-behineko eta baldintzapeko neurriekin aske utzi du Maria Tardon epaileak. Dena den, Espainiako Estatutik irtetea galarazi diotenez, ezingo da Hendaiara etxekoengana itzuli. Iratxe Sorzabalen aurkako euroagindu eskaeraren inguruko ebazpena, aldiz, martxoaren 25era atzeratu dute.

Langile Mugimendua

2020ko otsailaren 19a

UIB hirugarren astez mobilizatu da Arte Ederren Fakultateko materialaren kostua salatzeko

Dozenaka lagun bildu dira gaur eguerdian Leioako Arte Ederren Fakultate aurrean, 'Unibertsitateko kostuak doan!' lelopean. Hala, hiru aste bete ditu Unibertsitateko Indar Batasunak eskola-materialaren doakotasunaren aldeko borrokan.

Langile Mugimendua

2020ko otsailaren 19a

Mobilizazioak eta Eibarko EHUko ikasleen greba mugagabea, Zaldibarko hondakindegian desagertutako bi langileak bilatzeari ekin dioten egunean

Gaur goizean hasi dira Zaldibarko zabortegian lurperatuta geratu ziren bi beharginen bila. Zaldibar Argitu Orain plataformak deituta, arratsaldean mobilizazioa egingo dute Eibarko Coliseo antzokiaren kanpoaldean. Eibarko EHUko ikasle mugimenduak ere borrokaldia abiatu du Zaldibarko hondamendia dela-eta: greba mugagabea hasi dute gaur. 2020. urtea hasi zenetik, gutxienez beste hamaika langile erail dituzte haien lanpostuetan.

Langile Mugimendua

2020ko otsailaren 19a

"Miseria" salatu eta greba mugagabea hasi dute La Auxiliar Navaleko langileek

25 familia egoera kritikoan dituztela azaldu dute beharginek, eta etorkizuna defendatzeko "bide bakarra" utzi dietela ugazabek: "Makinak itzali eta kalera ateratzea".

Langile Mugimendua

2020ko otsailaren 18a

Eibarko EHUko ikasleek greba mugagabea hasiko dute bihar, Zaldibarko zabortegiko gertakariak direla-eta

Bihartik aurrera, greba mugagabea egingo dute Eibarko EHUko ikasleek, Zaldibarko hondakindegiko gertakarien harira. Ondorioz, bihar Eibarren hastekoa zen Herri Unibertsitatea atzeratu egingo da.

Langile Mugimendua

2020ko otsailaren 18a

Ostegun Gizenean Tolosan mobilizatzera deitu du Tolosaldeko Gazte Fronteak, Ezpala eta Kaxilda gaztetxeen defentsan

Huste arriskuan daude iaz Tolosaldean birjabetutako bi gaztetxeak; Ezpala Tolosan eta Kaxilda Zizurkilen. Egoera horren aurrean, otsailaren 20an, Inauterietako Ostegun Gizena, 19:00etan Tolosako kaleak hartzera deitu du Tolosaldeko Gazte Fronteak. Burgesiak "gazte langileen antolakuntza bateratuak ekiditeko" darabilen mekanismo gisara identifikatu dute bi gaztetxeek bizi duten desalojo arriskua.

Biolentzia Estrukturala

2020ko otsailaren 18a

David Pla estraditatu dute dagoeneko, eta bihar eramango dute Espainiako Auzitegi Nazionalera

Frantziako Poliziak Espainiako Poliziaren esku utzi du gaur David Pla preso politikoa, Soto del Realen espetxeratzeko. Bihar eramango dute Espainiako Auzitegi Nazionalera, '(h)Alboka' auziaren harira, epailearen aurrean deklaratu dezan. Auzitegi Nazionalak ETA erakundearen eta EPPKren artean lotura egitea leporatzen dio, baita EPPK "kontrolatzea" ere.

Langile Mugimendua

2020ko otsailaren 18a

Leioan izango da aurtengo Herri Unibertsitate nazionala, otsailaren 26tik 27ra

Aurten ere Leioako campusak hartuko du Herri Unibertsitate nazionala, otsailaren 26tik eta 27ra bitartean. Bi egunez izango dira hitzaldi, mahai-inguru eta jarduerak, eta besteak beste, bertan izango dira Isabel Benitez, Itaia Emakume Sozialisten Sareko kideak, Herrialde Katalanetako SEPC ikasle sindikatuko kideak, Iruñerriko Langileen Autodefentsa Sareko kideak edota Jose Maria Lorenzo Espinosa. Ostegun gauean jaialdia egingo dute Bilboko Etxarri II gaztetxean, eta Rodeo eta Huntza taldeek eskainiko dituzte kontzertuak.

Langile Mugimendua

2020ko otsailaren 18a

Aurrera doaz tokian tokiko Herri Unibertsitateak

Ibaetan eta Gasteizen atzo eman zieten hasiera Herri Unibertsitateetako egitarauei. Gaur goizean ireki dituzte Iruñeko, Bilboko eta Leioako Herri Unibertsitateetako ateak, eta bihar, Eibarren txanda izango da. Askotariko auziei helduko diete hala tokian tokiko ikasleek, hitzaldi, tailer zein mahai-inguruen bidez.