GEDAR:Langile Kazeta

Azkenak
Biolentzia Estrukturala
Ofentsiba Kapitalista
Langile Mugimendua
Prozesu Sozialista
Mugimendu Sozialista

Prozesu Sozialista

2019ko uztailaren 15a

Kirolak eraikineko espazioaren banaketa prozesuan gertatutakoa eta AGArekiko jarrera azaldu ditu Hego Uribeko Sare Sozialistak

Arrigorriagako Kirolak eraikinean azkenaldian izan diren gertakarien eta "erasoen" harira, bertan jazotakoaren inguruko argipenak eman ditu HUSSk, baita AGArekiko jarrera zein izango den azaldu ere. GKSren biltegiaren aurka egindako margoketak, AGAko "talde itxi batek" HUSSko kideei gazte asanbladan parte hartzeko ezarritako betoak, edota "txantajeak" izan dituzte hizpide.

Langile Mugimendua

2019ko uztailaren 14a

Eztenak salatu du desalojo ilegal saiakera izan zela atzo jasandako erasoa

Bart gauean Bloke Naranjara sartu ziren zenbait gizon, "indarrez". Beranduago, ezezagun gehiago bertaratu ziren eraikinera, eta bertan bilduta zeuden kideen aurka egin zuten. Bi kide identifikatu zituen Ertzaintzak. Prentsaurreko bidez, Eztenako kideek salatu dute desalojo ilegal saiakera izan dela proiektuaren eta birjabetutako espazioaren aurkako eraso berria. Duela bi aste ere gizonezko bat aurkitu zuten eraikinaren atarian.

Langile Mugimendua

2019ko uztailaren 13a

Gernikako Bloke Naranja erasotu dutela salatu du Eztenak

Gernikako Bloke Naranjara bi gizon indarrez sartu berri direla salatu du Eztena proiektuak. Erasoa arratsaldeko 20.00ak aldera jazo da. Dirudienez, gizonek eraikina ezagutzen zuten. Tentsio handiko egoerak bizi izan dituzten arren, une honetan "egoera kontrolpean" dutela nabarmendu dute Eztenako Kideek. Bihar 18.00etan prentsaurrekoa deitu dute Bloke Naranjaren aurrean.

Biolentzia Estrukturala

2019ko uztailaren 13a

Ibarrako langile baten heriotza eragin zuen minbiziak lanbide-jatorria zuela onartu du Osalanek

Iazko abuztuan zendu zen Ibarrako Fudike galdategiko behargin bat, biriketako minbiziak jota. 17 urte egin zituen enpresan. Osalanek aitortu berri du lanbide-jatorria zuela gaixotasunak, eta esan du ez direla "egokiak" lantokiko silikato zenbatekoak.

Biolentzia Estrukturala

2019ko uztailaren 13a

Autopsiaren atariko emaitzak soilik jakinarazi dizkiete Zaballan eraildako preso baten senideei

Aurten gutxienez lau preso hil dituzte Zaballako espetxean; guztiak, 30 urtetik beherakoak. Xabier Gonzalez da zenduetako bat, eta haren senideek salatu dute "faltsuak" direla Espainiako Gobernuak argitaratu dituen datuak. Autopsiaren atariko emaitzak baino ez dituzte jaso senideek, eta maiatzean salatu zuten Gonzalezen gorpua erraustu zutela aurreneko autopsiaren emaitza osoak izan aurretik.

Biolentzia Estrukturala

2019ko uztailaren 13a

Tolosako Gazte Asanbladako kide bat epaituko dute irailaren 3an, Ezpalaren birjabetzearen harira

Apirilaren 22an jarri zuten martxan gaztetxe berria Tolosan, 2016an Ertzaintzak desalojatutako espazioa, Ezpala, berriro birjabetuta. Egunean bertan jarri zuen salaketa eraikinaren legezko jabeak, eta gazte asanbladako kide batek maiatza amaieran jaso zuen epaiketa baten jakinarazpena. Irailaren 3an izango da.

Prozesu Sozialista

2019ko uztailaren 12a

Arrigorriagako Kirolak eraikinean bertako gazte asanbladak egindako erasoak salatu dituzte Itaiak eta GKSk

Azken hilabeteetan Arrigorriako Gazte Asanbladarekin Kirolak eraikinean izan dituzten arazoak azaldu dituzte GKSko eta Itaiako kideek. Eraikineko espazio batzuen antolamendua eta banaketa adosteko egindako bilera, edota GKSk auzolanean egokitutako biltegian AGAko kideek egindako margoketak aipatu dituzte. Erasoen "funtsa" bat eta bakarra dela nabarmendu dute: "AGAk ez du bilera horretan guztion artean hartutako erabakia bere egin, eta adostutako espazioan gure proiektuak garatzeko oztopoak jarri ditu behin eta berriro".

Langile Mugimendua

2019ko uztailaren 12a

Papergintzako langileen %70ek Adegiren azken proposamena onartu dute

Patronalak egindako azken proposamena onartu du langileen gehiengoak, sei greba egun egin ostean. Hala, hiru neurri gehiago jaso dituzte akordioan: soldaten KPIa gehi %1,25eko igoera, patronalak errelebo kontratuak 2018ko legearen arabera egiteko konpromisoa hartzea, eta baimenen hobekuntza.

Biolentzia Estrukturala

2019ko uztailaren 12a

Hiru langile kaleratu dituzte Gasteizko udal rokodromoetatik, zerbitzuak okertzearekin batera

Rokodromoetako erabiltzaileen arabera, zerbitzuen kalitatea jaitsi ez ezik, kuoten prezioak igo dituzte. Eskalatzaileak Sutan plataformako kideek instalazio publikoen "prekarietate maila" salatu eta "kudeaketa zuzena" aldarrikatu dute.

Biolentzia Estrukturala

2019ko uztailaren 12a

Garikoitz Aspiazu eta Ainhoa Gartzia preso politikoak lekualdatu dituzte azken egunetan

Etxerat elkarteak jakinarazi duenez, Aspiazu Arletxeko espetxetik Lannemezango espetxera hurbildu dute. Gartzia, aldiz, Murtziatik Salamancara lekualdatu dute.