Otsail amaieran atxilotu zuten Pablo Gonzalez kazetari nabarniztarra Polonian, eta preso nahiz inkomunikatuta daukate ordutik. Kazetaritza lanetan ari zela atzeman zuten, eta Errusiaren alde espioi modura jardutea leporatzen diote. "Pavelen egoeraren berri izateko, informatzeko askatasunaren urraketa hau eman den testuinguruan sakontzeko eta Europar Batasunaren joera totalitarioaz hausnartzeko" mahai-inguru bat antolatu du Busturialdeko Kontseilu Sozialistak, ekainaren 28rako. Oihana Goirienak eta Jon Kortazarrek hartuko dute parte saioan.
