Emakumearen Euskal Erakundeak (Emakunde) bildutako datuen arabera, 2026eko lehen hiru hilabeteetan, EAEn 1.484 emakumek salatu zuten eraso matxistaren bat jasan izana. 2025eko lehenengo hiru hilabeteetako zifrekin alderatuta, %7 egin dute gora salaketek.

Aurtengo kasuei erreparatuta, salatutako eraso gehienak biktimen bikotekideek edo bikotekide ohiek egindakoak dira, %69,4 hain zuzen ere (1.300 salaketa). Hortaz, igo egin dira mota horretako erasoei lotutako salaketak, duela urtebete baino %1 gehiago izan baitira (1.109 salaketa 2025eko aurreneko hiru hilabeteetan).

"Familia barruko indarkeriatzat" jotzen dena (kategoriak kanpoan uzten ditu bikotekideek edo bikotekide ohiek egindako erasoak) areagotu egin da, gainera: %11,6ko gorakada izan du urtarrilean, otsailean eta martxoan zehar, ia 300 biktimarekin. "Sexu-askatasunaren aurkako delitutzat" hartutakoak jasan dituzten emakumeak, berriz, gutxienez 156 izan dira urteko lehen hiru hilabeteetan.