Laudiko Gaztetxean —Laudioko (Araba) Lamuza parkean dago kokatuta— zama lanetan ari ziren bi pertsona identifikatu dituzte gaur goizean polizia-indarrek. Hain zuzen, Laudioko Udaltzaingoaren bi patruilak jo dute bi gazteengana, eta identifikatzeaz gain, mehatxatu egin dituzte: isunak jarriko dizkietela esan diete.
Aurreko astean jakinarazi zuten desalojo arriskuan dagoela Laudioko Gaztetxea, espazioa husteko prozedura jarri baitu martxan Laudioko Udalak. Bihar, maiatzaren 6an, agerraldi bat egingo dute Langile Kontrolpeko Espazioko kideek. 18:30ean bilduko dira gaztetxe aurrean.
